قصور (نمائندہ نوائے وقت) شہباز خاں روڈ مسجد نور کے قریب رشتہ کے تنازعہ دوگروپوں میں فائرنگ سے ایک شخص جاں بحق ایک اے ایس آئی سمیت پا نچ افراد افراد زخمی ہوگئے۔ بابر اقبال نے پولیس تھانہ اے ڈویژن قصو رمیں اطلا ع دی ہے کہ شہباز روڈ نزد نور مسجد دوگروپوں میں لڑائی جھگڑا ہورہا ہے واقع کی اطلاع پاکر ایس ایچ او‘ مشتاق احمد اے ایس آئی ملازمین کیساتھ موقع پر پہنچے اسی دوران ایک فائرمشتاق احمد اے ایس آئی کو  لگا جس سے وہ معمولی زخمی ہوگئے لڑائی جھگڑے میں اشرف، عباس اور شہباز پانچ افراد زخمی ہوگئے ہیں جنہیں ڈسٹرکٹ ہسپتال منتقل کر دیا گیاجبکہ زخموں کی تاب نہ لاتے ہوئے اشرف ہسپتال میں دم توڑ گیا۔پولیس مصروف کارروائی ہے۔