مروہ ٹائون میں پولیس مقابلہ، ایک ڈاکو زخمی حالت میں گرفتار

اسلام آباد (اپنے سٹاف رپورٹر سے) تھانہ کورال کے علاقہ مروہ ٹائون میں پولیس مقابلے میں ایک ڈاکو زخمی حالت میں گرفتار کرلیا گیا پولیس معمول کی  چیکنگ میں مصروف تھی کہ دو موٹر سائیکل سواروں کو رکنے کا اشارہ کیا تو موٹر سائیکل سوار وں نے پولیس پارٹی پر بلااشتعال فائرنگ کر دی اور بھاگنے کی کوشش کی ، پولیس اہلکار احتیاطی تدابیر کی وجہ سے محفوظ رہے جبکہ ایک ڈاکو اپنے ساتھی کی فائرنگ سے زخمی ہوگیا جس کو پولیس اہلکاروں نے اسلحہ سمیت گرفتار کرلیاجبکہ دوسرا ڈاکو موقع سے فرار ہونے میں کامیاب ہوگیا، شناخت امان اللہ کے نام سے ہوئی ، ملزم امان اللہ سابقہ ریکار ڈ یافتہ اور تھانہ کورال میں درج تین مقدمات میں مطلوب نکلا۔