لاہور(خصوصی نامہ نگار )منہاج کالج برائے خواتین میں کل سے بین الجماعتی ہفتہ تقریبات منایا جا رہا ہے۔28مارچ کو مقابلہ حسن قرات،عربی تقریری مقابلہ اور مقابلہ نعت رسول ؐ کا انعقاد ہو گا۔29مارچ کو انگریزی مباحثہ اور اردو مباحثہ’’نئی تہذیب تکلف کے سوا کچھ نہیں‘‘ کے موضوع پر منعقد ہو گا۔یکم اپریل جمعہ کو سپورٹس گالا میں کھیلوں کی تقریبات کا انعقاد کیا جائیگا۔تقریبات میں معروف شاعرہ،ادیبہ صوفیہ بیدار، رخشندہ نوید،رابعہ رحمان ،فرحت زاہد،ناصر بشیر سمیت اہم سیاسی،سماجی،علمی شخصیات شرکت کریں گی۔ تقریبات میں کالج کے پرنسپل،اساتذہ،طالبات شرکت کریں گی۔