وزیر اعظم کے’’سرپرائز‘‘کے خوف سے اپوزیشن کی ’’کانپیں ٹانگ رہی ہیں‘‘، فیاض چوہان 

 لاہور (سٹاف رپورٹر)وزیر جیل خانہ جات پنجاب فیاض الحسن چوہان نے اپنے بیان میں کہا ہے کہ 27 مارچ کے جلسہ میں وزیر اعظم عمران خان کے 'سرپرائز' کے خوف سے اپوزیشن کی 'کانپیں ٹانگ رہی ہیں'۔ عمران خان کی جاندار اننگز نے اپوزیشن کو بند گلی میں دھکیل دیا ہے۔ فیاض الحسن چوہان نے مزید کہا کہ ن لیگ کا مہنگائی مارچ گوجرانولہ میں ہی دم توڑ جائے گا، اسلام آباد اس کی دھول ہی پہنچے گی۔ ان کا یہ بھی کہنا تھا کہ نہ تو کوئی پی ٹی آئی کو چھوڑ رہا ہے اور نہ ہی اتحادی کہیں جا رہے ہیں۔ کل سے تمام بادل چھٹ جائیں گے، مطلع صاف ہو جائے گا اور اپوزیشن خاک چھانے گی۔