کراچی (این این آئی) پاکستان انٹرنیشنل ایئر لائن کی گرومنگ منیجر کی جانب سے دوران پرواز میزبانوں کو مبینہ طور پر ہراساں کرنے کے واقعات سامنے آئے ہیں۔خاتون افسر کی جانب سے ایئر ہوسٹس کو مبینہ ہراساں کرنے کا واقعہ کراچی سے ٹورنٹو کی پرواز پر پیش آیا، متاثرہ خاتون میزبان نے خاتون افسر پر 4 سنگین الزامات پر مبنی ای میل متعلقہ شعبے کو ارسال کر دی۔واقعہ کی تحقیقات کیلئے ڈی جی ایم سکیورٹی کی سربراہی میں 3 رکنی کمیٹی قائم کر دی گئی، دیگر ممبران میں خاتون اسسٹنٹ مینیجر، انچارج ایس ای سی جناح انٹرنیشنل شامل ہیں، تحقیقاتی کمیٹی نے مبینہ ہراساں کرنے میں ملوث منیجر گرومنگ خاتون افسر کو 27 مارچ کو طلب کر لیا۔