لاہور( خصوصی نامہ نگار )مجاہد ملت مولانا محمد عبدالستار خان نیازی ٹرسٹ کے مرکزی صدر جمعیت علمائے پاکستان کے سینئر رہنما میاں غلام شبیر قادری نے ٹاو¿ن شپ میں ”خاتون جنت کانفرنس“ سے خطاب کرتے ہوئے کہا ہے کہ گھروں کو پرسکون بنانے کیلئے سیدہ فاطمة الزہراہؓ کی سیرت مشعل راہ ہے۔ سکولوں کالجوں اور یونیورسٹیوں میں سیدہ فاطمہ کی سیرت کو نصاب کا حصہ بنا کر پڑھایا جائے تاکہ خواتین سیرت فاطمہ سے فیض یاب ہو کر اپنے گھروں کو سنوار کر اپنی زندگیاں اسلام کے اصولوں کے مطابق گزار سکیں۔