مسجد الحرام آمدورفت کے لیے شٹل  بس سروس کے 17 روٹس مقرر

مکہ مکرمہ (اے پی پی) سعودی عرب میں مکہ مکرمہ کے مختلف مقامات سے رمضان کے دوران مسجد الحرام تک آمدورفت کے لیے شٹل بس سروس کے 17 روٹس مقرر کیے گئے ہیں۔عرب نیوزکےمطابق سعودی عرب کے ضیوف الرحمان خدمت پروگرام کی جانب سے بتایا گیا ہے کہ ماہ رمضان میں جہاں بیرون مملکت سے بڑی تعداد میں عمرہ زائرین آتے ہیں وہاں اندرون مملکت سے بھی زائرین کی آمد کا سلسلہ جاری رہتا ہے جس کے باعث عمرہ زائرین کی سہولت کے لیے شٹل بس سروس کا خصوصی انتظام کیا گیا ہے جو 24 گھنٹے ہفتے کے ساتوں دن فراہم کی جارہی ہے تاکہ یگرشہروں سے آنے والے زائرین کو حرم شریف آمد ورفت میں ٹرانسپورٹ کے حوالے سے کسی قسم کی دشواری کا سامنا نہ کرنا پڑے۔