ضحی شاکر کا گوجرہ اور نیا لاہور میں مفت آٹا ڈسٹری بیوشن پوائنٹس کا دورہ

ٹوبہ ٹیک سنگھ(نامہ نگار)ڈپٹی کمشنر عدنان ارشاد کی ہدایت پر ایڈیشنل ڈپٹی کمشنر ریونیو ضحی شاکر نے گوجرہ اور نیا لاہور میں مفت آٹا ڈسٹری بیوشن پوائنٹس کا وزٹ کیا، انہوں نے مفت آٹا پوائنٹس پر انتظامات کا جائزہ لیا، ایڈیشنل ڈپٹی کمشنر ریونیو نے آٹا ڈسٹری بیوشن پوائنٹس پر انتظامات کو تسلی بخش قرار دیا، اس موقع پر اسسٹنٹ کمشنر گوجرہ ڈاکٹر محمد رضوان بھی ہمراہ تھے،ایڈیشل ڈپٹی کمشنر ریونیو ضحی شاکر نے گفتگو کرتے ہوئے کہا کہ تحصیل گوجرہ سمیت ضلع بھر میں آٹا کے تمام ڈسٹری بیوشن پوائنٹس پر شہریوں کےلئے بہترین انتظامات کئے گئے ہیں، بیٹھنے کےلئے سایہ دار جگہ مہیا کی گئی ہے، آٹا کی فراہمی کےلئے علیحدہ علیحدہ کاﺅنٹرز قائم ہیں جہاں پر شناختی کارڈ کی سکینگ کی جاتی ہے،انہوں نے مزید کہا کہ حکومت پنجاب کی جانب سے رمضان پیکج کے تحت مفت آٹے کی فراہمی ایک احسن اقدام ہے۔