لاہور(سپورٹس ڈیسک ) جنوبی افریقہ اور ویسٹ انڈیز کے درمیان سیریز کے دوسرے ٹی ٹونٹی میچ میں رنز کے انبار لگ گئے ۔ دونوں ٹیموں کے کی طرف ایک ایک سنچری ۔ویسٹ انڈیز نے پہلے کھیلتے ہوئے 5وکٹوںپر 258رنز بنائے ۔جانسن چارلس نے 46گیندوںپر 118رنز بنائے ۔ انہوں نے دس چوکے اور گیارہ چھکے لگائے ۔ انہوںنے 23گیندوں پر نصف سنچری جبکہ 39گیندوں پر سنچری سکور کی ۔ کائل میئر زنے 27گیندوں پر 51رنز بنائے ۔ ان کی اننگز میں چار چھکے اور پانچ چوکے شامل تھے ۔ ویسٹ انڈیز نے 22چھکے اور 17چوکے لگائے ۔ جنوبی افریقہ نے ہدف 18.5اوورز میں4وکٹوں پر حاصل کرلیا۔کوئنٹن ڈی کاک نے 44گیندوں پر 100رنز کی اننگزکھیلی۔ ڈی کاک نے 15گیندوں پر نصف سنچری جبکہ 43گیندوں پر سنچری سکور کی ۔ ان کی اننگز میں 8چھکے اور 9چوکے شامل تھے ۔ ریزا ہینڈرکس نے 28گیندوں پر 68رنز بنائے ۔ ان کی اننگزمیں دو چھکے اور گیارہ چوکے شامل تھے ۔ فاتح ٹیم نے تیرہ چھکے اور انتیس چوکے لگائے ۔ کوئنٹن ڈی کاک کو میچ کا بہترین کھلاڑی قرار دیا گیا ۔ تین میچوں کی سیریز ایک ایک سے برابر ہوگئی ۔