لاہور(سپورٹس رپورٹر)سابق ٹیسٹ کرکٹر مشتاق احمد نے 1992 ءورلڈ کپ کی جیت پر کہا کہ 92 ورلڈکپ رمضان کے مہینے میں ہوا، فائنل میں انگلینڈ کے خلاف فتح کے بعد پاکستانی کھلاڑیوں سمیت شائقین بھی یہی کہہ رہے تھے کہ یہ جیت ” رمضان“ کی وجہ سے ہوئی ہے، جس پر انگلش کھلاڑی پوچھنے لگ گئے کہ ” یہ رمضان کون ہے؟مشاق احمد نے کہا کہ گورے کرکٹر پوچھتے تھے کہ ٹیم کے سب کھلاڑیوں کی نام جانتے ہیں ایسا کوئی کھلاڑی نہیں جس کا نام رمضان ہو۔ انگلش کھلاڑیوں کو رمضان سے متعلق بتانے پر بہت دلچسپ صورتحال بنی۔مشتاق احمد نے کہا کہ اس میں کوئی شک نہیں کہ رمضان کے مہینے کی برکات 92 ءورلڈکپ کے دوران شامل حال تھیں۔ تمام قوم مقدس مہینے میں اپنی ٹیم کےلئے دعا گو تھی۔ ہر کھلاڑی نے اپنی فیملیز کو ورلڈ کپ کی جیت کےلئے خصوصی دعا کا کہتا تھا۔