فیروزوالہ( نامہ نگار) جی ٹی روڈ پر ٹریفک کے مختلف حادثات میں ایک نوجوان ہلاک اور 20 افراد زخمی ہو گئے جن کو ہسپتال داخل کرا دیاگیا۔ دو زخمیوں کی حالت نازک بیان کی جاتی ہے۔ لاہور روڈ پر کوٹ سلیم کے قریب ویگن اور ٹرک کے درمیان تصادم کے نتیجہ میں تین عورتوں سمیت 12 افراد زخمی ہوگئے جن کو ہسپتال داخل کر دیاگیا۔ زخمیوں میں عادل، سرفراز، رضوان اور حنیف وغیرہ شامل ہیں۔ کالا خطا ئی روڈ پر گدھا گاڑی اور موٹر سائیکل کے تصادم کے نتیجہ میں نوجوان ہلاک ہو گیا۔ لاہور روڈ پر چونگی سٹاف کے قریب رکشہ اور کار تصادم میں رکشہ سوار چار افراد زخمی ہو گئے ۔جی ٹی روڈ پر کار بے قابو ہو کرموٹرسائیکل سواروں سے ٹکرا گئی جس  کے نتیجہ میں نوجوان اشفاق اوراس کی دو بہنیں زخمی ہو گئیں جنہیں ہسپتال داخل کرا دیاگیا۔ زخمیوں کو ہسپتال لے جانے کیلئے نوجوان جواد ہسپتال گیا تو اسلحہ سے مسلح تھا ‘پولیس نے اسے حراست میں لے لیا۔