لاہور( کلچرل رپورٹر) اردو اور پنجابی کے شاعر، ادیب معروف محقق ایم آر شاہد (تمغہ امتیاز)  چیئرمین مرکز علم و فن پاکستان کے زیر اہتمام احمد ندیم قاسمی کی یاد میں سالانہ نعتیہ مشاعرہ و افطار ڈنر کی تقریب الحمراء  لاہور ادبی بیٹھک میں منعقد ہوئی۔ تقریب کی صدارت عطا الحق قاسمی اور مہمان خصوصی پروفیسر عباس مرزا، کرامت بخاری، ممتاز راشد لاہوری، عزیر احمد، احمد نمود قاسمی تھے۔ نظامت کے فرائض ڈاکٹر ایم ابرار نے ادا کئے۔تقریب کا آغاز تلاوت قرآن پاک سے ہوا۔ جس کی سعادت حافظ محمد شہریار عمران نے حاصل کی اور نعت شریف صوفی فنکار منظور ملنگ نے ترنم سے پڑھی۔ جن شعراء کرام نے کلام بنایا ان میں ڈاکٹر ایم ابرار، ممتاز راشد لاہوری، عْزیر احمد، محمد عباس مرزا، کرامت بخاری، حق نواز، معیز عامر سعید، توقیر بن اسلم، محمد یاسین بدر، محمد فیاض فیضی، سیدہ فریحہ زہرا، شامل تھے۔