لاہور(نامہ نگار) صوبائی دارالحکومت میں مختلف حادثات میں خاتون سمیت 3افراد جاں بحق جبکہ 2بچے اور ان کا باپ زخمی ہو گیا۔ رائیونڈ سٹی کے علاقے کنگرہ جیا بگا کے قریب بس نے موٹر سائیکل سوار کو ٹکر مار دی جس کے نتیجے میں موٹرسائیکل سوار 28 سالہ روبینہ موقع پر جاں بحق اس کا شوہراور 2 بچے زخمی ہو گئے۔ رائیونڈ سٹی کے علاقے پریم نگر بچوکی ریلوے پھاٹک کے قریب 20 سالہ نوجوان فون سنتے ہوئے ٹرین کی زد میں آکر جاں بحق ہو گیا۔ 20 سالہ سمیع ظفروال ضلع ناروال کا رہائشی اور مقامی فیکٹری میں کام کرتا تھا۔ لاہور رنگ روڈ پر ابراہیم کالونی کے قریب تیز رفتار ٹریکٹر ٹرالی کی ٹکر سے موٹر سائیکل سوار نوجوان جاں بحق ہو گیا ۔متعلقہ تھانوں کی پولیس نے نعشیں مردہ خانے منتقل کرکے قانونی کارروائی کا آغاز کر دیاہے۔