لاہور (نامہ نگار) ڈکیتی اور چوری کی متعدد وارداتوں میں شہریوں سے لاکھوں روپے  زیورات، موبائل فون، موٹر سائیکلیں، گاڑیاں اوردیگر سامان لوٹ لیا گیا۔ ڈاکوؤں نے فیکٹری ایریا میں عتیق کے گھر اہلخانہ کو یرغمال بنا کر 5 لاکھ 19ہزار روپے، زیوارات، موبائل فون اور دیگر سامان، گلشن راوی میں مسعود اور اس کی فیملی سے ساڑھے 3 لاکھ روپے، زیورات اور موبائل فون، برکی میں توصیف سے گن پوائنٹ پر 70 ہزار، موبائل فون، شفیق آباد میں جواد سے  30 ہزار، موبائل فون، شاد باغ میں حسیب سے 75 ہزار اور موبائل فون، شاہدرہ ٹاؤن میں احمد سے 60 ہزار، موبائل فون، شادمان میں عامر سے 20 ہزار، موبائل فون، گڑھی شاہو میں تنث سے 15 ہزار اور موبائل لوٹ لیا اور فرار ہو گئے۔ چوروں نے لیاقت آباد میں یعقوب کے گھر سے 3 لاکھ 78 ہزار روپے، زیورات اور دیگر سامان چوری کر لیا اور فرار ہو گئے۔ ماڈل ٹاؤن، جنوبی چھاؤنی اور جوہر ٹاؤن کے علاقوں میں سے تین گاڑیاں جبکہ مسلم ٹاؤن، اچھرہ، نواں کوٹ، راوی روڈ، کاہنہ، شاہدرہ، کوٹ لکھپت، سندر اور سبزہ زار کے علاقوں میں سے نو موٹر سائیکلیں چوری کر لی گئیں۔