گجرات (نامہ نگار)گلیانہ کے گاﺅں ڈھل گجراں میں دوسری شادی کرنے پر بوڑھے کو 35 سالہ نوبیاہتا دلہن سمیت گولیاں مار کر بیدردی سے قتل کردیا۔ مقتول بوڑھے کی پہلی بیوی اور تین بچوں کے خلاف مقدمہ درج کر لیا گیا۔ ڈھل گجرات میں ایک مکان سے دو نعشوں کی اطلاع پر ایس ایچ او گلیانہ انسپکٹر ارشد محمود معہ نفری موقع پرپہنچے تو اور دونعشوں کو قبضہ میں لیکر پوسٹمارٹم کیلئے ہسپتال پہنچایا ایس ایچ او ارشد محمود نے رابطہ کرنے پر بتایا نعشیں میاں بیوی کی ہیں۔ ڈھل گجرات کے 65 سالہ بشیر احمد نے کچھ روز قبل طلاق یافتہ خاتون سیداں بی بی سے دوسری شادی کرلی تھی۔ دوسری شادی کرنے کے رنج پر بشیر اور سیداں بی بی کو گھر میں گولیاں مار دی گئیں۔ پولیس نے نعشیں پوسٹمارٹم کیلئے ہسپتال پہنچائیں۔ تھانہ گلیانہ پولیس نے رات گئے مقتول بشیر کی پہلی بیوی دو بیٹیوں اور ایک بیٹے ابرار احمد سکنائے ڈھل کے خلاف مقدمہ درج کرلیا گیا۔