شکار پور(آئی این پی+نوائے وقت نیوز) شکار پور میں دیرینہ دشمنی پر جتوئی برادری کے دو گروپوں میں خونیں تصادم ہوا جس کے نتیجہ میں 5 افراد جاں بحق‘ 2زخمی ہوگئے‘ دونوں جانب سے ہلکے اور بھاری ہتھیاروں کا آزادانہ استعمال کیا گیا‘ پورا دن گزرنے کے باوجود پولیس جائے وقوعہ پر نہیں پہنچی۔کچے کے علاقے کوٹ شاہو میں زمین کے تنازعے پر جتوئی برادری کے دو گروہوں کے درمیان میں دیرینہ دشمنی چلی آرہی تھی۔ مرنیوالوں میں فرید، نواب، غلام مصطفی، ٹلو، ولی محمد شامل ہیں۔