لاہور (نامہ نگار) آتشزدگی کے واقعات سے لاکھوں روپے مالیت کا سامان جل گیا۔ جبکہ چوکیدار جھلس کر زخمی ہو گیا۔ تفصیلات کے مطابق باغبانپورہ کے علاقہ میں پاکستان منٹ سٹاپ کے قریب فرنیچر کے گودام میں آگ لگنے سے لاکھوں روپے مالیت کا سامان جل گیا جبکہ آگ بجھانے کی کوشش میں چوکیدار اسحاق جھلس گیا۔ امدادی ٹیموں نے موقع پر پہنچ کر زخمی چوکیدار کو طبی امداد کے لئے ہسپتال پہنچا دیا۔ وفاقی کالونی میں ایک گھر میں جبکہ باغبانپورہ میں ایک کوارٹر میں آگ لگنے سے لاکھوں روپے کا سامان جل گیا۔ اطلاع ملنے پر امدادی ٹیموں نے موقع پر پہنچ کر آگ پر قابو پا لیا۔