لاہور+ فیروزوالا (سٹاف رپورٹر+ نامہ نگار) ٹریفک حادثات میں 4 افراد ہلاک اور متعدد زخمی ہو گئے۔ تفصیلات کے مطابق چوہنگ کے علاقہ ٹھوکر نیاز بیگ چوک کے قریب 55 سالہ ثریا بی بی سڑک پار کرتے ہوئے گاڑی کی ٹکر سے جاں بحق ہو گئی۔ پولیس کے مطابق متوفیہ مقامی گاﺅں کے رہائشی اشرف کی بیوی اور 6 بچوں کی ماں تھی۔ نشتر کالونی کے علاقہ فیروزپور روڈ پر ایک روز قبل نامعلوم گاڑی کی ٹکر سے زخمی ہونے والا نوجوان گوہر جنرل ہسپتال میں دم توڑ گیا۔ اقبال ٹاﺅن میں نعمان اور جاوید، نولکھا میں راشد اور عارف، شاہدرہ میں نسیم، الیاس، وحدت کالونی میں نعیم، گجرپورہ میں ہارون، ماڈل ٹاﺅن میں شکور احمد ٹریفک حادثات میں زخمی ہو گئے۔ دریں اثناءفیروزوالا میں کالاخطائی روڈ پر دندیاں سٹاف کے قریب گاڑی نے سڑک کے کنارے کھڑے نامعلوم شخص کو کچل کر ہلاک کر ڈالا۔ لاہور روڈ پر تیز رفتار کار کی ٹکر سے موٹر سائیکل سوار عرفان جاں بحق ہو گیا جبکہ اسکی بہن شدید زخمی ہو گئی۔ شرقپور روڈ پر ناظر بھانہ کے قریب کار کی ٹکر سے دو موٹر سائیکل سوار زخمی ہو گئے۔ زخمیوں کو طبی امداد کیلئے ہسپتال داخل کرا دیا گیا۔