لاہور(نمائندہ سپورٹس +سپورٹس رپورٹر)سابق ٹیسٹ کرکٹر یونس خان ریٹائرمنٹ کے فیصلے پر خوش اور مطمئن ہیں۔ عشائیہ سے خطاب کرتے ہوئے کہاکہ میں پاکستان کاخوش نصیب کھلاڑی ہوں اوراس پرخوشی ہے۔ ٹیسٹ کرکٹ میں دس ہزار رنز بنانا اپنے لئے اعزاز سمجھتا ہوں۔ یہ میراخواب تھاکہ پاکستان کاکوئی کھلاڑی 30 سے زائد ٹیسٹ سنچریاں کرے۔ یہ بھی میرا خواب تھاکہ پاکستان کا کوئی بیٹسمین نوہزاریااس سے زائد رنز کرے۔ پی سی بی اور میرے مداح چاہتے تھے کہ میں دس ہزاررنزکا یہ ریکارڈ اپنے نام کروں اور اس بات کی مجھے خوشی بھی تھی۔ لوگ انھیں ریٹائرہوتا نہیں دیکھناچاہتے تھے ۔