کراچی (اسپورٹس رپورٹر) آل کراچی ماما کریم بخش قمبرانی یادگاری فٹبال ٹورنامنٹ میں جے جے میموریل نے ملیر اسٹار کو 0-2گول سے شکست دی ۔ دونوں ٹیموں نے انتہائی شاندار کھیل کا مظاہرہ کیا اور میچ کے آغاز سے ہی مخالف ٹیم کے گول پر بھرپور حملے کیئے اور برتری حاصل کرنے کوشش کی ۔ پہلے ہاف میں جے جے میموریل کے فارورڈ ظفرنے گول کرکے اپنی ٹیم کو صفر کے مقابلے میں ایک گول کی برتری دلادی جو وقفہ تک برقرار رہی۔ وقفہ کے بعداک بار پھر دونوں ٹیموں نے جارحانہ کھیل کا مظاہرہ کیا اور اک دوسرے کے خلاف متعدد مووز بنائے جس کے نتیجے میں دوسرے ہاف میں جے جے میموریل کے واحدنے گول کرکے مقابلہ صفر کے مقابلے میں دو گول کردیا۔