واں بھچراں (نامہ نگار) سڑک کی تعمیر کے دوران تارکول والی ٹینکی کو آگ لگ گئی۔ پانچ مزدور جھلس گئے۔ گزشتہ روز واں بھچراں شیخالی لنک روڈ کی تعمیر کے دوران تارکول ٹینکی میں اچانک آگ بھڑک اٹھی، آگ نے ٹینکی کو اپنی لپیٹ میں لے لیا۔ ٹینکی پر کام کرنے والے مزدور آگ کی لپیٹ میں آ گئے جھلس کر زخمی ہوگئے۔ جھلسنے والوں میں تین سگے بھائی بھی شامل ہیں پانچوں زخمیوں کو میانوالی ہسپتال لایا گیا جن میں چار شدید زخمیوں کو راولپنڈی ریفر کر دیا گیا دو کی حالت تشویش ناک بتائی گئی۔