مدینہ جانیوالی معتمرین کی بس کو حادثہ‘ 23 پاکستانیوں سمیت 26 زخمی

مکہ مکرمہ (نوائے وقت رپورٹ) مدینہ جانے والی معتمدین کی بس کو نویریہ کے قریب حادثہ پیش آ گیا۔ سعودی ہلال احمر کے مطابق ٹریفک حادثے میں 26 معتمدین زخمی ہو گئے۔ زخمیوں کو طبی امداد کیلئے حرا نیشنل ہسپتال اور کنگ عبدالعزیز جنرل ہسپتال مکہ منتقل کر دیا گیا ہے۔ زخمیوں میں 23 پاکستانی اور الجزائر کے تین شہری شامل ہیں۔ زخمیوں کی حالت خطرے سے باہر ہے۔