غازی بروتھا نہر کے اطرا ف ون ویلنگ کا سلسلہ پھر شروع

حضرو(نمائندہ نوائے وقت)غازی بروتھا نہر کے دونوں اطرا ف ایک بار پھر ون ویلنگ کا سلسلہ شروع ،گرمی کی شروعات ہوتے ہی چھچھ کے مختلف علاقوں سے بہنے والی نہر میں نہانے کا سلسلہ بھی عید کے بعد شروع ہو جائے گا سابقہ سالوں میں درجنوں نوجوان غازی بروتھا نہر میں ڈوب کر جاں بحق ہو گئے تھے ڈی سی او اٹک ،ڈی پی او اٹک نوٹس لیں تفصیلات کے مطابق حضرو کے نواحی علاقوں میں خاص کر نماز جمعہ کے بعد چند نوجوان غازی بروتھا نہر کے دونوں اطراف ون ویلنگ کرتے ہیں اس سے قبل بھی ون ویلنگ کے دوران کئی نوجوان موٹر سائیکل سمیت نہر میں گر کر جان کی بازی ہار چکے ہیں جبکہ گرمی کے بڑھتے ہی ایک بار پھر یہ سلسلہ شروع ہو چکا ہے پچھلے دنوں بھی کئی نوجوان غازی بروتھا نہر کی دونوں طرف سنگل روڈ پر ون ویلنگ کرتے نظر آئے جبکہ شہر میں بھی نماز عصر کے بعد ون ویلنگ کا سلسلہ جاری ہو چکا ہے دوسری طرف غازی بروتھا نہر میں بھی عید کے بعد نہانے کا سلسلہ شروع ہوگا شہریوں نے ڈی سی اٹک علی عنان قمر اور ڈی پی او اٹک سید خالد ہمدانی سے مطالبہ کیا ہے کہ وہ غازی بروتھا نہر میں نہانے اور ون ویلنگ کرنیوالوں کے خلاف کاروائی کے احکامات جاری کریں تاکہ نوجوان غازی بروتھا نہر میں ڈوبنے سے بچ سکیں ۔