مکہ المکرمہ(اے پی پی):حج سیزن کی تیاریوں کے لیے مکہ المکرمہ میونسپلٹی نے مشاعر مقدسہ میں صفائی کا کام شروع کر دیا ہے۔سعودی اخبار کے مطابق مکہ میونسپلٹی نے منی، مزدلفہ اور عرفات کی صفائی کے لئے ایک ہزار کارکنوں کو تعینات کیا ہے۔اس مقصد کے لیے مشاعر مقدسہ میں 120 سے زیادہ مختلف قسم کے آلات سے کام لیا جارہا ہے۔صفائی کارکنوں نے حج 1442 کی تیاری کے لئے منی کے میدانوں میں کام شروع کیا ہے جبکہ مرحلہ وار مشاعر مقدسہ کے تمام علاقوں کی صفائی ہوگی۔حکام کے مطابق پیشگی منصوبے کے تحت کام کو وسعت دی جارہی ہے ۔