سکاٹ مین فارماسیوٹیکلز اور آرتھرائٹس کیئر فاؤنڈیشن میں مفاہمتی یادداشت کامعاہدہ

 لاہور (کامرس رپورٹر) آرتھرائٹس کیئر فاؤنڈیشن کا مقصد عوامی آگاہی ،تعلیمی و تحقیقی سرگرمیوں کا انعقاد اور ان کی حوصلہ افزائی ہے۔ سکاٹ مین  فارماسیوٹیکلز  کی تعلیم،  طبی اور تحقیقی منصوبوں میں معاونت خوش آئند ہے"۔ ان خیالات کا اظہار آرتھرائٹس کیئر فاؤنڈیشن کی بانی اور چیئرپرسن پروفیسر ڈاکٹر نگہت میر نے سکاٹ مین فارماسیوٹیکلز کے ساتھ مفاہمتی یادداشت کے معاہدے پر دستخط کی تقریب میں کیے۔ اس موقع پر اسکاٹ مین فارماسیوٹیکلز کے جنرل مینجر سہیل خان نے بھی آرتھرائٹس کیئر فاؤنڈیشن کی طبی اور فلاحی سرگرمیوں کو سراہا اور ان میں بھرپور معاونت کی یقین دہانی کروائی۔