گوجرانوالہ (نمائندہ خصوصی) ایس ایچ او کا گھرلوٹنے والے محلے دار نکلے،5گرفتار ہوگئے یاد رہے چند روز قبل تھانہ سبزی منڈی گوجرانوالہ میں تعینات ایس ایچ او سیف اللہ ورک کے گھر 5ڈاکو گھس گئے اور اہل خانہ کو یرغمال بنا کر لاکھوں روپے نقدی ،طلائی زیورات ، موبائل فونز اور دیگر سامان جبکہ ایس ایچ او تھانہ گلیانہ گجرات عدنان کے گھر سے ڈاکو 25لاکھ مالیت کا سونا اور ایک لاکھ روپے نقدی لیکر فرار ہوئے، پولیس کی خصوصی ٹیموں نے کاروائی کرتے ہوئے مٹو بھائیکے سے 5ڈاکوئوں کو گرفتار کیا جنہوں نے ایس ایچ او سیف اللہ ورک کے گھر واردات کی تھی انچارج سی آئی اے انسپکٹر گوہر عباس بھٹی نے بتایا کہ ملزم ایس ایچ او کے محلہ دار ہیں جنہوں نے اعتراف جرم کر لیاملزموں کے قبضہ سے لاکھوں روپے نقدی ، طلائی زیورات ، موبائل فونز اور دیگر قیمتی سامان برآمد کر لیا گیاان سے مزید تفتیش جاری ہے ۔
حافظ آباد:نہر میں ڈوبنے والے نوجوان کی نعش مل گئی
حافظ آباد(نمائندہ نوائے وقت) حافظ آباد میں چک غازی کے قریب نہر میں ڈوبنے والے بیس سالہ نوجوان حافظ اعجاز کی نعش گذشتہ روز مل گئی۔ حافظ اعجاز چند روز قبل نہر میں نہاتے ہوئے ڈوب کر جاں بحق ہوگئے تھے ۔ نعش ملنے کے بعد متوفی کو آہوں اور سسکیوں میں آبائی قبرستان میں سپرد خاک کردیا گیا۔