مقامی قبرستان میں تدفین،علی رضا سدپارہ پہاڑ سے گرنے کے باعث زخمی ہوئے تھے
نامور پاکستانی کوہ پیما علی رضا سدپارہ انتقال کر گئے۔ علی رضا سدپارہ پہاڑ سے گرنے کے باعث زخمی ہوئے تھے جس کے وجہ سے وہ ریجنل ہسپتال میں زیر علاج تھے جہاں وہ دم توڑ گئے۔اہل خانہ کے مطابق 66 سالہ علی رضا 1986 سے کوہ پیمائی کے شعبے سے وابستہ تھے، انہوں نے 8ہزار میٹر سے بلند چار چوٹیوں کو 16 بار سر کیا تھا۔ علی رضا نے رواں سال کے ٹو کی مہم جوئی پر جانا تھا۔اہل خانہ کے مطابق علی رضا سد پارہ کی نماز جنازہ اداکر دی گئی ، مقامی قبرستان میں تدفین کی گئی ۔