قصور+ پتوکی+ پھول نگر (نمائندہ نوائے وقت+ نامہ نگار) پتوکی ملتان روڈ نتھے خالصہ کے قریب ٹریفک حادثہ میں 2 افراد جاں بحق ہو گئے۔ تفصیل کے مطابق مین ملتان روڈ پر پھول نگر نتھے خالصہ سٹاپ کے قریب مرغیوں سے بھرا مزدہ ڈالا تیز رفتاری کے باعث سامنے جاتے ہوئے ٹرک سے جا ٹکرایا۔ حادثے کے نتیجے میں مرغیوں والے ڈالے میں سوار دونوں افراد موقع پر ہی دم توڑ گئے۔ واقعہ کی اطلاع ملتے ہی ریسکیو 1122 نے موقع پر پہنچ کر دونوں نعشوں کو قریبی ہسپتال منتقل کر دیا۔ ریسکیو حکام کے مطابق حادثہ تیز رفتاری کے باعث پیش آیا۔ جاں بحق ہونے والوں میں بلال اور 32 سالہ محمد طاہر غفار ہے۔ جو برکی روڈ لاہور کینٹ کا رہائشی تھا۔