لاہور(نامہ نگار) ترجمان پنجاب پولیس کے مطابق ایک روز میں منشیات فروشوں کے ٹھکانوں پر پولیس ٹیموں کے 287 چھاپے مارے گئے، گھناؤنے کاروبار میں ملوث ملزمان کے خلاف 116 مقدمات درج کئے گئے اور 119 ملزمان کو گرفتار کیا گیا۔ ملزمان کے قبضے سے 54 کلو چرس، 310 گرام آئس اور 1083 لٹر شراب برآمد کی گئی۔  آئی جی پنجاب ڈاکٹر عثمان انور نے کہا کہ منشیات کی برائی کو جڑ سے ختم کرنے کیلئے کریک ڈاؤن کو مزید تیز کیا جائے، سپلائی چین میں ملوث تمام ڈیلرز، اسمگلرز اور سپلائیرز کو قانون کی گرفت میں لایا جائے۔