ہائبرڈ چاول ، دیگر فصلوں کی کاشت کو فروغ کیلئے جی ای آر ایس ایک بہترین پلیٹ فارم ہے:ڈاکٹر کوثر عبداللہ 

لاہور(کامرس رپورٹر ) سابق نگران وفاقی وزیر برائے نیشنل فوڈ سکیورٹی ڈاکٹر کوثر عبداللہ ملک نے کہا ہے کہ ملک میں ہائبرڈ چاول اور دیگر فصلوں کی کاشت کو فروغ دینے اور اس مقصد کیلئے زرعی شعبے، انڈسٹری اور تعلیمی اداروں کے مابین تحقیقی روابط کیلئے گارڈ ایگریکلچرل ریسرچ اینڈ سروسز ایک بہترین پلیٹ فارم ہے۔ ڈاکٹر کوثر عبداللہ ملک جو فارمن کرسچن کالج یونیورسٹی میں پوسٹ گریجویٹ سٹڈیز کے سابق ڈین بھی ہیں، نے چیئرمین پاکستان ہائی ٹیک ہائبرڈ سیڈ ایسوسی ایشن اور سی ای او گارڈ ایگریکلچرل ریسرچ اینڈ سروسز شہزاد علی ملک ستارہ امتیاز سے گفتگو کرتے ہوئے ان کی تحقیق کو بے حد سراہا ہے۔