لاہور(نیوز رپورٹر) ایم این اے تہمینہ دولتانہ سے ان کی رہائش گاہ پر وہاڑی سے تعلق رکھنے والے مسلم لیگی رہنما رانا ثاقب،شیخ نعمان ایڈوکیٹ،سرفراز مغل اور ارسلان خاں کی ملاقات۔ ملاقات میں وہاڑی میں جاری ترقیاتی کاموں اور میڈیکل کالج کے قیام بارے گفتگو ہوئی۔ اس موقع پر ایم این اے تہمینہ دولتانہ نے کہا بہت جلد وہاڑی میں کلثوم نواز میڈیکل کالج کا قیام عمل میں لایا جائے گا۔ میاں نواز شریف نے بھی اس حوالے سے یقین دہانی کرائی ہے اور دوسرے ترقیاتی کام بھی وہاڑی میں شروع کرائے جائیں گے جس سے وہاڑی شہر مزید ترقی کریگا۔ وزیر اعلیٰ پنجاب مریم نواز بھی پنجاب پر بھرپور توجہ دے رہی ہیںجس کی واضح مثال آٹے کی قیمتوں میں کمی ہے، پٹرولیم مصنوعات کی قیمتوں میں کمی سے بھی مہنگائی پر اثر پڑے گا۔ مسلم لیگ ن کا یہ مشن ہے کہ عوام کو ریلیف فراہم کیا جائے۔ آخر میں مسلم لیگی رہنما رانا ثاقب،شیخ نعمان ایڈوکیٹ،سرفراز مغل اور ارسلان خاں نے کو خراج تحسین پیش کیا اور کہا کہ دور میں وہاڑی میں ہمیشہ ترقیاتی کام ہوئے ہیں ۔