ؒٓلاہور(سپورٹس رپورٹر ) امریکی کرکٹ ٹیم کے ہیڈ کوچ سٹورٹ لا نے کہا ہے کہ یہ ہماری آئی سی سی کی فل ممبر ٹیم کیخلاف پہلی سیریز تھی جس میں ہم نے کامیابی حاصل کی۔ ابتدائی دونوں میچ جیتنے کے بعد ہم سیریز کا اختتام شکست پر نہیں کرنا چاہتے تھے لیکن دو میچ جیتنے کے بعد ہم شاید پرسکون ہوگئے تھے اور بنگلہ دیش نے بہترین کھیل پیش کیا۔ ٹی20 ورلڈکپ سے پہلی ہماری بھرپور تیاری ہوگئی ہے اور اس سیریز میں کامیابی سے ہم نے بہت کچھ حاصل کیا جبکہ سیریز کے دوران ہم نے اپنی بینچ سٹرینتھ کو بھی آزمایا اور تمام کھلاڑیوں کو بھرپور موقع ملا۔