ویمنزسافٹ بال چیمپئن شپ  30 مئی سے کراچی میں کھیلی جائیگی

لاہور(سپورٹس رپورٹر ) فرسٹ پی این ایس سی بین الصوبائی ویمنز سافٹ بال چیمپئن شپ 30مئی تا یکم جون 2024 ء کے پی ٹی فٹبال سٹیڈیم کراچی میں کھیلی جائیگی ۔پنجاب، بلوچستان، خیبرپی کے اور میزبان سندھ کی ٹیمیں شرکت کریں گی ۔ سافٹ بال فیڈریشن آف پاکستان کے صدرآصف عظیم نے کہا کہ رواں سال اکتوبر میں پاکستان کو تائیوان میں کھیلی جانیوالی چوتھی ایشین یونیورسٹیزویمن سافٹ بال چیمپئین شپ میں حصہ لینا ہے۔