اوریگون (نوائے وقت رپورٹ) امریکا میں ایک بیل نے دنیا کے سب سے لمبے قد کے حامل بیل کا گنیز ورلڈ ریکارڈ کا اعزاز حاصل کر لیا ہے۔ امریکی میڈیا کے مطابق رومیو نامی 6 سالہ بیل کی جسامت 6 فٹ 4.5 انچ اونچی ہے۔ رومیو امریکی ریاست اوریگون سے تعلق رکھتا ہے اور مسٹی مور کی ملکیت میں پروان چڑھا ہے۔ رومیو نے ماضی میں ٹامی نامی بیل کے ریکارڈ کو 3 انچ سے زائد کی پیمائش سے توڑ دیا ہے۔ رومیو کو سیب اور کیلے کھانے کا بہت شوق ہے۔ وہ روزانہ 45 کلو گرام گھاس مع اضافی اناج اور دیگر خوراک کھا لیتا ہے۔