مدینہ منورہ (آئی ا ین پی ) انڈونیشی وزارت اسلامی امور نے کہا ہے کہ اب تک 90 ہزار انڈونیشی عازمین حج سعودی عرب پہنچ چکے ہیں۔   انڈونیشی عازمین 229 پروازوں کے ذریعہ جدہ اور مدینہ منورہ پہنچے ہیں۔ انڈونیشی وزارت اسلامی مور نے کہا ہے کہ ارض مقدس پہنچنے والے 11 عازمین حج صحت مسائل کی وجہ سے وفات پاچکے ہیں۔وزارت نے کہا ہے کہ امسال دو لاکھ 41 ہزار انڈونیشی عازمین حج کی سعادت حاصل کریں گے۔واضح رہے کہ انڈونیشی عازمین حج کو مکہ روٹ اینیشیٹو کی سہولت حاصل ہے۔