فیصل آباد(نمائندہ خصوصی) پٹرولنگ پولیس فیصل آباد ریجن کی کانسٹیبل ،لیڈی کانسٹیبل اور ڈرائیورز کی بھرتی کیلئے قد چھاتی پیمائش کا شیڈول جاری کر دیا گیا۔ تما م تر پراسس انتہائی شفاف اور میرٹ کی بنیاد پر مکمل کیا جائے گا ایس پی مرزا انجم کمال۔ پٹرولنگ پولیس میں کانسٹیبل ، لیڈی کانسٹیبل اور ڈرائیورز کی بھرتی کے لئے فارم وصول کئے گئے جس کے بعد فارمز کی چیکنگ اور سیکروٹنی کے عمل کا جائزہ لیتے ہوئے ایس ایس پی پٹرولنگ پولیس فیصل آباد ریجن مرزا انجم کمال نے امیدواران کے قد و چھاتی کی پیمائش کا شیڈول جاری کر تے ہوئے کہا کہ تمام تر امیدواران کو اس بات کی یقین دہانی کروائی جاتی ہے کہ بھرتی کا تمام تر عمل انتہائی شفاف اور میرٹ کی بنیاد پر مکمل کیا جائے گا ۔ پہلے مرحلے میں امیدواران کے قد و چھاتی کی پیمائش کی جائے گی۔ قد چھاتی کی پیمائش کے لئے امیدواران طارق مجاھد پولیس لائن آئیں گے۔ شیڈول کے مطابق فیصل آباد کے مرد امیدوار 27 تاریخ بروز سوموار ، ڈسٹرکٹ جھنگ و چنیوٹ کے مرد امیدواران 28تاریخ بروز منگل جبکہ ڈسٹرکٹ ٹوبہ ٹیک سنگھ کے مرد امیدوران اور تمام اضلاعی کی خواتین امیدواران و ڈرائیورز 29تاریخ بروز بدھ کو صبح 5 بجے طارق مجاہد پولیس لائن فیصل آباد میں تشریف لائیںگے۔تمام امیدواران اپنے ساتھ رولنمبر سلپ اور اصل شناختی کارڈ لائیں گے۔  تمام امیدواروں وقت کی پابندی کو ملحوظ خاطر رکھتے ہوئے صبح 5بجے طارق مجاہد پولیس لائن تشریف لائیں۔