پولیس شہریوں کی حفاظت و خدمت کیلئے کوشاں ہے،ایس ڈی پی اوانڈسٹریل ایریا 

اسلام آباد (اپنے سٹاف رپورٹر سے)ایس ڈی پی اوانڈسٹریل ایریا سرکل سجاد بخاری نے فیض آبادمسجد میں کھلی کچہری کا انعقادکیا کھلی کچہری میں ایس ایچ او تھانہ انڈسٹریل ایریاسمیت علاقہ معززین نے بڑی تعداد میں شرکت کی،کھلی کچہری میں موجود شرکانے اپنے مسائل بیان کیے اور بہتری کے لئے تجاویزپیش کیں،حل طلب مسائل پر ایس ڈی پی اوانڈسٹریل ایریا نے موقع پر متعلقہ افسران کواحکامات جاری کئے، انہوں نے کہا کہ پولیس دن رات آپ کی حفاظت و خدمت میں کوشاں ہے جن مسائل کا آپ نے ذکر کیا ہے ان کوترجیحی بنیادوں پر حل کیے جائے گا،اسلام آباد پولیس کی طرف سے جرائم پیشہ عناصر کے خلاف بہتر حکمت عملی کی وجہ سے علاقہ میں جرائم میں خاطر خواہ کمی واقع ہوئی ہے تاہم اس میں مزید بہتری کے لئے اقدامات کئے جا رہے ہیں،جبکہ قبضہ ما فیا، جرائم کا قلع قمع اور منشیات فروشی کے خا تمے کے لئے پولیس کو عوام کے تعاون کی ضرورت ہوتی ہے آپ کے بغیر یہ سب ناممکن ہے پولیس اور عوام مل کر ان جرائم پیشہ عناصر کے خلاف جہاد کریں تب اس ناسور کو معاشرے سے ہمیشہ ہمیشہ کیلئے ختم کیا جاسکے گا، آپ کے تعاون سے قبضہ مافیا اور منشیات فروشوں کے خلاف بھرپور طریقے سے کریک ڈائون کیا جاسکتا ہے، پیشہ ور بھکا ریو ں کی حوصلہ شکنی کر یں، آپ اپنے اردگرد اور گلی محلے میں نظر رکھیں،کوئی بھی مشکوک سرگرمی دیکھیں تو فوری اپنے متعلقہ پولیس کو اطلاع دیں تاکہ ایسے عناصر کے خلاف کارروائی کی جائے یاد رکھیں کسی بھی علاقہ میں شہریوں کے تعاون کے بغیر خاطر خواہ مثبت نتائج حاصل نہیں کئے جاسکتے ہیں انہو ں نے کہا کہ پولیس شہریوں کی جان ومال کی حفاظت کرنے میں ہمہ وقت مصروف عمل ہے،کھلی کچہری کے انعقاد کرنے کا مقصد شہریوں اور پولیس کے درمیان روابط کو بڑھاتے ہوئے دوریاں کو ختم کرنا ہے۔