اے این ایف کی9 کاروائیاں ، 324 کلو منشیات برآمد،15 ملزمان گرفتار

راولپنڈی (سٹاف رپورٹر)اے این ایف نے9 کاروائیوں میں 324 کلو منشیات برآمد،کرکے15 ملزمان گرفتار کر لیے  ،اسلام آباد ایئرپورٹ پر بحرین جانے والے مسافر سے 900 گرام آئس برآمدکر لی گئی ،بلوچستان میں دو مختلف کاروائیوں میں 2 ملزمان سے 138.8 کلو چرس 14 کلو افیون اور 10 کلو آئس برآمدکی گئی۔26 نمبر چونگی اسلام آباد کے قریب دو کاروائیوں  میں 5 خواتین سمیت 6 ملزمان سے 4.8 کلو افیون اور 91.2 کلو چرس برآمدکی گئی ،اورنگی کراچی میں 2 ملزمان سے 18 کلو چرس برآمدکی گئی ،غوری ٹان روڈ اسلام آباد کے قریب دو ملزمان سے 16.8 کلو چرس برآمد ہوئی سہراب گوٹھ کراچی میں ملزم سے 2.4 کلو چرس برآمدکر لی گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے