صدرجمیعت القریش میٹ ویلفیئر ایسوسی ایشن خورشید قریشی کی زیر صدارت اجلاس

اسلام آباد ( وقائع نگار  )  صدر ال پاکستان جمیعت القریش میٹ ویلفیئر ایسوسی ایشن خورشید احمد قریشی کی صدارت میں ایگزیکٹو باڈی کا اجلاس مرکزی دفتر آبپارہ میں ہوا۔اجلاس میں جمعیت القریش میٹ ویلفیئر ایسوسی ایشن  کے نائب صدر جاوید احمد قریشی سینیئر تاجر رہنما محبوب احسن ملک راولپنڈی جمعیت القریش میٹ ویلفیئر ایسوسی ایشن کے صدر راحت جاوید سینیئر نائب صدر شاہد قریشی جنرل سیکرٹری ناصر ارشاد قریشی شیخ لیاقت علی خان ریاض بٹ حاجی منیر سرفراز قریشی پرویز بٹ حاجی عشرت العباد نے شرکت کی تمام ممبران نے حکومت کے فیصلے کا خیر مقدم کیا اور کہا کہ حکومت کے اس فیصلے سے فارمر کو درپیش مسائل حل ہوں گے فارمر کا اعتماد بڑھے گا  اور ملکی معیشت جو کہ اس وقت خستہ حالی کا شکار ہے کو سہارا ملے گا اجلاس میں اس بات کو بھی سراہا گیا جس میں  یہ طے کیا گیا ہے کہ معاملات کو اگے بڑھانے کے تمام سٹیک ہولڈرز کے ساتھ جس میں گوشت اور دودھ  کو پروسیس کرنے اور کنزیومرز ایسوسی ایشن شامل ہیں کے ساتھ مشاورت کی جائے گی۔ ہم حکومت سے پرزور اپیل کرتے ہیں کہ وہ بلا تاخیر تمام سٹیک ہولڈرز کا مشترکہ اجلاس منعقد کریں اور تجاویز کی روشنی میں سفارشات تیار کر کے قومی اسمبلی اور کابینہ سے اس کی منظوری لیں۔