قلعہ دیدار سنگھ :گھرسوئے شخص کو نامعلوم افراد نے چھریاں مار کر قتل کردیا

قلعہ دیدار سنگھ(نمائندہ خصوصی)گھر میں سوئے ہوئے شخص کو نامعلوم افراد نے چھریاں مار کر بے دردی سے قتل کردیا۔45 سالہ ناظم عرف ناجی بٹ غیر شادی شدہ تھا گھر میں اکیلا سویا تھا،پولیس نے نعش تحویل میں لے کر پوسٹ مارٹم کیلئے بھیج دی۔تفصیلات  کے مطابق تھانہ قلعہ دیدار سنگھ کے علاقہ چک اگو کا رہائشی 45 سالہ ناظم عرف ناجی بٹ غیر شادی شدہ تھا جو گزشتہ شب اپنے گھر میں اکیلا سویا تھا جسے نامعلوم افراد نے چھریوں کے وار کرکے گلہ کاٹنے کے بعد جسم کے مختلف حصوں کو چھریاں مار کرکے قتل کردیا۔