مصطفی آباد میں آوارہ کتوں کی بھر مار، 3 افراد شکار،ہسپتال منتقل

قصور(نمائندہ  نوائے وقت)مصطفی آباد میں آوارہ کتوں کی بھر مار، تین افراد شکار،باؤلے کتے نے نہر کنارے بیٹھے بزرگ کو کاٹ لیا بچانے آئے دو افراد کو بھی کتوں نے کاٹ لیا، ریسکیو حکام سے زخموں کو ہسپتال منتقل کر دیا۔آوارہ کتوں کے غول کے غول گلیوں میں دندناتے پھرتے ہیں،شہری خوف وہراس میں مبتلا،گھروں سے باہر نکلنا بھی چھوڑ دیا۔ آوارہ کتوں کیخلاف کارروائی کرنے کا مطالبہ،مصطفی آباد اور اس کے نواحی دیہات میں آوارہ کتوں کی بھر مار نے شہریوں کی زندگی اجیرن کر دی ، آوارہ کتوں کی طرف سے شہریوں کو کاٹنا معمول بن گیا، مصطفی آباد نہر کنارے بیٹھے بزرگ کو باولے کتے نے کاٹ لیا جبکہ بزرگ کو بچانے آئے دو نوجوانوں کو بھی آوارہ کتوں نے کاٹ لیا، تینوں مریضوں کو ریسکیو کی امدادی ٹیم کی جانب سے طبی امداد کے بعد قریبی ہسپتال منتقل کردیا گیا۔