خواجہ خواج بخش اویسی کے عرس  کی دو روزہ تقریبات 29 مئی سے  چینڈپور شریف میں شروع ہونگی

موڑ کھنڈا (نامہ نگار) معروف روحانی بزرگ حضرت خواجہ خواج بخش اویسی کے دو روزہ سالانہ عرس و میلہ کی تقریبات 30،29 مئی بروز بدھ، جمعرات موڑ کھنڈا کے نواحی گاؤں چینڈ پورشریف میں شروع ہونگی۔ تقریبات کی صدارت سجادہ نشین خواجہ نور الزمان اویسی المعروف چن پیر کریں گے۔ 29 مئی کو بعد نماز ظہر خصوصی خطاب علامہ مولانا خان محمد قادری کرینگے جبکہ بعد نماز مغرب محفل سماع ہوگی جس کے بعد مدرسہ جامعہ اویسہ نوریہ سے قرآن پاک حفظ کرنے والے حفاظ کرام کو دستار فضیلت سے نوازا جائے گا ،اجتماعی دعا خواجہ نورالزمان اویسی کرائیں گے۔