لاہور/ گوجرانوالہ/ فیروز والا (سٹاف رپورٹر+ نمائندہ خصوصی+ نامہ نگار) تھانہ فیکٹری ایریاء کے علاقہ میں ڈاکوئوں نے فائرنگ کر کے 5 بچوں کے باپ کو قتل کر دیا پولیس نے لاش پوسٹمارٹم کے لئے مردہ خانے بھجوا دی جبکہ مقدمہ درج کر کے ملزمان کی تلاش شروع کر دی گئی۔ چونگی امرسدھو کا رہائشی 45 سالہ عاشق اپنی بیٹی کی طبیعت خراب ہونے پر اسے ہسپتال لے کر جا رہا تھا کہ راستے میں قبرستان کے قریب ڈاکوؤں نے اسے روک کر لوٹنے کی کوشش کی، عاشق نے مزاحمت کی جس پر ڈاکووں نے اس پر فائرنگ کر دی جس کے نتیجے میں وہ شدید زخمی ہوگیا، ہسپتال لے جایا گیا جہاں ڈاکٹروں نے اسکی موت کی تصدیق کر دی۔ دریں اثناء ڈاکوؤں نے تھانہ ہربنس پورہ کے علاقہ حسن آباد چوک کے قریب نوائے وقت کمپیوٹر سیکشن کے آپریٹر محمد ممتاز سے ہزاروں روپے مالیت کی نقدی و موبائل، تھانہ نصیر آباد کے علاقہ میں الیاس کے گھر گھس کر 7 لاکھ 30 ہزار روپے مالیت کی نقدی، موبائل طلائی زیورات، تھانہ مغلپورہ کے علاقہ میں سعد کے گھر سے 6 لاکھ 10 ہزار روپے مالیت کی نقدی، زیورات تھانہ باغبانپورہ کے علاقہ میں جعفر سے 45 ہزار مالیت کی نقدی و موبائل، تھانہ گلشن اقبال کے علاقہ میں صدیق اور اس کی اہل خانہ سے 5 لاکھ 25 روپے مالیت کی نقدی و زیورات ، تھانہ باغبانپورہ کے علاقہ میں شہزاد اور اسکی فیملی سے 4 لاکھ 28 ہزار مالیت کی نقدی و زیورات، تھانہ جوہر ٹائون کے علاقہ میں فضل سے 3 لاکھ 25 ہزار مالیت کی نقدی و موبائل ، تھانہ ستو کتلہ کے علاقہ میں ظفر سے 3 لاکھ 50 ہزارمالیت کی نقدی و موبائل ، تھانہ مسلم ٹائون کے علاقہ میں دانش سے ایک لاکھ 30 ہزار مالیت کی نقدی و موبائل ،تھانہ ستو کتلہ کے علاقہ میں سلمان سے 24 ہزار مالیت کی نقدی و موبائل لوٹ لیا گیا اچھرہ میںساجد، شاہدرہ ٹائون میں حمید،جوہرٹائون میں ثاقب، کوٹ لکھپت میں اللہ دتہ کی گاڑیاںجبکہ شاہدرہ میں اویس، شادباغ میں وقاص، ساندہ میں اقبال، گلشن راوی میں مشتاق، مغلپورہ میں عمر جاویدکی موٹر سائیکلیں چوری کر لی گئیں۔ گوجرانوالہ میں ڈکیتی کے دوران مزاحمت پر 28 سالہ احمد جاں بحق جبکہ 32 سالہ حامد شدید زخمی ہو گیا۔ دونوں شادی کی تقریب سے واپس آ رہے تھے موٹر سائیکل سوار ڈاکوؤں نے لوٹنے کی کوشش کی۔ فیروزوالہ کے نامہ نگار کے مطابق سگیاں چوک پر ڈاکوؤں نے گن پوائنٹ پر شہری ارشد سے موٹر سائیکل نقدی چھین لی۔ ہاؤسنگ کالونی کے علاقے میں موٹر سائیکل چھین لی۔ مریدکے اور فیروز والا میں دو موٹر سائیکلیں چوری ہوگئیں۔ چوروں نے زمیندار کے ڈیرہ سے لاکھوں روپے مالیت کے مویشی چوری کرلئے، کالاخطائی روڈ پر کار سوار وکیل کو روک کر لوٹ لیا۔