برسبین ٹیسٹ: آسٹریلیا نے انگلینڈ کو شکست کے قریب پہنچا دیا

برسبین(سپورٹس ڈیسک)ایشز سیریز کے پہلے ٹیسٹ میچ کے چوتھے دن آسٹریلیا نے انگلینڈ کیخلاف 170رنز کے ہدف کے تعاقب میں بغیر کسی نقصان کے 114رنز بنالئے‘ جیت کیلئے مزید 56 رنز درکار جبکہ 10وکٹیں باقی ہیں، اوپنرز ڈیوڈ وارنر 60اور بین کرافٹ 51رنز کے ساتھ کریز پر موجود ہیں۔ انگلینڈ نے 33رنز دو کھلاڑی آوٹ پردوسری اننگز شروع کی توسٹون مین 27رنز بناکر پویلین لوٹ گئے۔ ملان بھی زیادہ دیر وکٹ پر ٹھہر سکے اور صرف دورنز بناکر آوٹ ہوگئے۔جو روٹ اور معین علی نے محتاط انداز سے بیٹنگ اور سکور 113رنز تک پہنچادیا، جو روٹ 51رنز بناکر اآوٹ ہوئے جبکہ معین علی 40رنز بناکر لایون کا شکاربنے۔ ووکس 17رنز کی اننگز کھیل کر آوٹ ہوگئے۔بیرسٹو، براڈ اور جیک بال سکور میں صرف 10رنز کے اضافے پر پویلین لوٹے اور مہمان ٹیم دوسری اننگز میں صرف 195رنز پربناسکی۔پہلی اننگز میں 15رنز کی برتری کے سبب آسٹریلیا کو جیت کے لئے 170رنز کا ہدف ملا۔ سٹارک، ہیزل ووڈ اور لایون نے تین، تین وکٹیں حاصل کیں۔دوسری اننگزمیں اوپنرز بین کرافٹ اور ڈیوڈ وارنر نے ناقابل شکست 114رنز بناکر ٹیم کو فتح کے انتہائی قریب کردیا، چوتھے روز جب کھیل ختم ہوا تو آسٹریلیا کو جیت کے لئے 56رنز کی ضرورت تھی اور اس کی10 وکٹیں باقی تھیں۔ وارنر60اور بین کرافٹ 51رنز بناکر ناٹ آوٹ ہیں۔