افغانستان: طالبان کا قافلے پر حملہ، 20 پولیس اہلکار ہلاک

کابل (انٹرنیشنل ڈیسک)افغانستان کے مغربی صوبے فراہ میں قافلے پر طالبان کے حملے کے نتیجے میں 20 پولیس اہلکار ہلاک ہوگئے۔خبر رساں ادارے ایسوسی ایٹڈ پریس ’ اے پی ‘ کی رپورٹ کے مطابق سرکاری ہسپتال کے ڈائریکٹر شیر احمد واڈا نے بتایا 2 پولیس اہلکار زخمی ہوئے ۔ ذمہ داری طالبان نے واٹس ایپ پیغام کے ذریعے قبول کی جس میں دعویٰ کیا گیا کہ 25 پولیس اہلکار ہلاک اور 4 زخمی ہوئے۔ ترجمان قاری یوسف احمدی نے مزید بتایا کہ ’ حملے کے نتیجے میں 4 گاڑیاں تباہ ہوئیں اور بڑی تعداد میں اسلحہ برآمد کر لیا۔صوبائی پولیس کے ترجمان محب اللہ محب نے بتایا کہ پولیس اہلکار افغان صوبے فراہ سے ضلع جووائن جارہے تھے کہ ان پر حملہ کردیا گیا۔پانچ اہلکار مارے گئے ہیں۔