گوجرانوالہ (نمائندہ خصوصی)سنی اتحاد کونسل کے ڈویژنل صدر سرفراز احمد تارڑ نے کہا ہے کہ تاجدار کونین کا لافانی پیغام پوری انسانیت کیلئے مشعل راہ ہے اسلام کے سنہری اصولوں پر عمل پیرا ہوکر دنیا و آخرت میں کامیابی حاصل کی جاسکتی ہے،شان رحمتہ العالمین کی حرمت پر کبھی کوئی آنچ نہیں آنے دیں گے۔دور حاضر کے فتنوں کا مقابلہ عشق رسول سے ہی کیا جاسکتا ہے،محفل میلاد کا انعقاد خوشنودی خدا اور فروغ عشق رسول کا ذریعہ ہے،ان خیالات کا اظہار انہوں نے تھانہ احمد نگر چھٹہ میں منعقدہ محفل میلاد سے خطاب کرتے ہوئے کیا۔اس موقع پر الحاج مولانا محمد اکبر نقشبندی،صاحبزادہ محمد نعمان صدیقی اور دیگر نے خطاب کیاانہوں نے کہا کہ میلاد مصطفٰی منانا حضور نبی کریم سے والہانہ عقیدت و محبت اور اسلامی تعلیمات کی تبلیغ کے اظہار کا بہترین ذریعہ ہے۔