سندر پریمیئر لیگ  سگما ریفریجریٹر نے جیت لی

سندر (نامہ نگار) سندر انڈسٹریل اسٹیٹ بورڈ آف مینجمنٹ کے زیر اہتمام ہونے والی والی آٹھویں سندر پریمیئر لیگ کا فائنل سگما ریفریجریٹر نے جیت لیا۔ حرہف ٹیم 6 بی کو 8 وکٹوں سے شکست دی ۔ بورڈ آف مینجمنٹ کی جانب سے رنگارنگ تقریب منعقد کی گئی جس کے مہمان خصوصی پاکستان کرکٹ ٹیم کے سابق کپتان مصباح الحق تھے‘انہوں نے فاتح ٹیم کو مبارکباد دی۔ صدر سندر سٹیٹ بورڈ آف مینجمنٹ ہارون علی خان و دیگر بورڈ ممبران نے مہمان خصوصی کو یادگاری شیلڈ دی۔ سندر ٹریڈ یونین کے صدر ملک اظہر سینئرنائب صدر ضیا ء اللہ خان نے معزز مہمان کا شکریہ ادا کیا ۔فائنل میچ دیکھنے کیلئے سندر سٹیٹ کے صنعتی ورکرز نے بڑی تعداد میں شرکت کی۔