اندرون سندھ ٹریفک حادثات میں 4افراد چل بسے

نواب شاہ/ باندھی/ شاہ پور چاکر (نامہ نگاران) اندرون سندھ حادثات میں 4 افراد جاں بحق ہوگئے سڑک کے حادثہ میں زخمی ہونے والا زیر علاج نوجوان چل بسا ۔نوابشاہ سے نامہ نگار کے مطابق چند روز قبل مھران ہائی وے پرکوٹ لالو کے قریب ٹریکٹر کی زد میں آکر شدید زخمی ہونے والا  نوجوان یامین سکنہ گوٹھ رجب سولنگی جونواب شاہ کے ایک نجی اسپتال میں زیر علاج تھا ،گذشتہ شب زندگی کی بازی ہار گیا۔   علاوہ ازیں شاہپور چاکر کے قریب سداواہ پل کے قریب گنے سے لدی ہوئی ٹریکٹر ٹرالی کو اْوور ٹیک کرتے ہوئے موٹر سائیکل سوار23سالہ بسم اللہ کیریوموٹر سائیکل سمیت ٹرک کے نیچے آکر موقع پر ہی جاں بحق ہو گیا۔ باندھی سے  نامہ نگارکے مطابق   جمعہ کی صبح فجر نماز کے وقت  مہران ہائی وے پر باندھی شوگر مل کے سامنے ٹریکٹر ٹرالی الٹنے سے ٹریکٹر ڈرائیور سبحان علی سیال موقع پر جابحق ہوگیا۔ پنگریو سے  نامہ نگارکے مطابق  نندوکڈھن روڈ پر موٹر سائیکل اورچنگچی کے درمیان ہونے والے تصادم میں کم سن بچہ انیس فوت اورخاتون سمیت چار افراد زخمی ہوگئے زخمیوں پرکاش، آسیت، تنویر اور لال شامل ہیں۔