کھوڑ(نامہ نگار) حکومت پنجاب کی ہدایت پر فوجی فاؤنڈیشن ہائر سیکنڈری سکول کھوڑکاسکول مینجمنٹ کمیٹی کا پہلااجلاس سکول ہذا کی پرنسپل میڈم غزل لیاقت کی صدارت میں منعقد ہوا جس میں سابق تحصیل نائب ناظم حاجی محمد اشرف،سابق نائب ناظم یوسی کھوڑ سردار محمد فاروق،سرپرست اعلیٰ کھوڑپریس کلب اختر حسین آزاد اور گلاب خان نیاز سمیت تمام ممبران نے شرکت کی میڈم غزل لیاقت نے ممبران کو سکول مینجمنٹ کمیٹی کے اغراض ومقاصد سے آگاہ کیا اور ممبران کو ان کی ذمہ داریاں بتائیں میڈم کا کہنا ہے آپ ہمارا بازو بنیں تعلیم کو عام کرنے میں ہمارا ساتھ دیں ہمیں تجاویز دیں اور ہماری خامیوں کی نشاندہی کریں ہماری کوشش ہوگی کہ آپ کی تجاویز کی روشنی میں مزید بہتر ی لائی جائے۔