لاہور ( سپیشل رپورٹر) انسٹی ٹیوٹ آف مینجمنٹ سائنسز پاکستان کے ممتاز اداروں میں سے ایک ہے جو بزنس مینجمنٹ اور کمپیوٹر سائنس میں معیاری تعلیم فراہم کرتا ہے۔ انسٹی ٹیوٹ آف مینجمنٹ سائنسز، آئی ایم ایس پاک ایمز کا آٹھواں کانووکیشن ایوان اقبال میں منعقد ہوا۔ سابق سینیٹر ریکٹر ڈاکٹر خالد رانجھا نے تقریب کی صدارت کی اور ڈگری دی۔ 2012 سے 2019 کے سیشنز میں 1238 گریجویٹس کو مینجمنٹ سائنسز اور کمپیوٹر سائنس کے شعبوں میں ایم فل، ماسٹرز اور بی ایس کی ڈگریاں دی گئیں۔ 34 طلباءنے گولڈ میڈلز کے علاوہ ڈین رول آف آنر اور میرٹ سرٹیفکیٹ حاصل کیے۔ تقریب میں ماہرین تعلیم، ممتاز سابق طلباء اور معزز مہمانوں کی بڑی تعداد نے شرکت کی۔ ڈین ڈاکٹر نثار احمد نے اپنے خطبہ استقبالیہ اور ادارے کی رپورٹ میں ادارے کی کامیابیوں اور نصاب کی افزودگی اور انفراسٹرکچر کو اپ ڈیٹ کرنے کے حوالے سے کی گئی پیش رفت پر روشنی ڈالی۔ معزز ریکٹر نے اپنے کانووکیشن کے خطاب میں تمام گریجویٹس کی نمایاں کامیابیوں پر گریجویٹس اور ان کے والدین کو گرمجوشی سے مبارکباد دی۔ ان کے خطاب میں حوصلہ افزائی اور مستقبل کے لیے مفید مشورے شامل تھے۔
 انہوں نے زور دیا کہ وہ اپنے اعزاز پر آرام نہ کریں کیونکہ یہ صرف ایک اچھی شروعات تھی اور انہیں ایک طویل سفر طے کرنا ہے جہاں مسلسل محنت کے ساتھ ساتھ بہترین کارکردگی کا مظاہرہ کرنا ایک لازمی ضرورت ہے۔ تقریب کا اہتمام بڑی شان و شوکت اور رونق کے ساتھ کیا گیا۔ ایوارڈز حاصل کرنے والوں کے تابناک چہروں نے تقریب میں رنگ بھر دیا۔ ریکٹر نے سابق ڈین پروفیسر ڈاکٹر احمد زوگو میمن کو ان کی زندگی بھر کی کامیابیوں پر ایوارڈ پیش کیا۔ پرو ریکٹر ملک پرویز اختر نے شاندار تقریب کی صدارت کے لیے ریکٹر کو سووینئر پیش کیا۔